யுரேகா, யுரேகா.தமிழ் குறுக்கெழுத்து இதோ.

தீபாவளிக்கு முன் தினம் எனது "யுரேகா" கணத்தை அனுபவித்தேன். எனக்கு இன்னும் எனது முதல் "program" பசுமையாக நினைவில் இருக்கிறது. சுமார் 12 வ்ருடங்கள் கழித்தும் அதே போன்ற பின்னிரவு. அதே லப்-டப் கணங்கள். அதே தூக்கமில்லா மகிழ்ச்சித் தருணம்.


தமிழில் அருமையாக குறுக்கெழுத்துக்கள் அமைகின்றன.கீழிருக்கும் படங்கள் நான் செய்த சில குறுக்கெழுத்துக் கட்டங்களின் மாதிரி. (எழுத்துக்களை இன்னும் உள்ளே எழுதும் வித்தை கற்கவில்லை. யுனிக்கோடு, இபிஎஸ் என ஏகப்பட்ட தொல்லை)

மார்கழி முதல் (இனிமே தமிழ் நிறைய பேசனும், எழுதனும்.) இந்த வலைப்பூவில் வாரம் ஒரு தமிழ் குறுக்கெழுத்து    புதிதாக பதியலாம் என உள்ளேன்.

 இந்நாள் வரை வெறும் 30 - 40 எழுத்துக்களைக் கொண்ட மொழிகளிலேயே crossword அமையும் என நினைத்திருந்தேன். நான் ஆங்கில குறுக்கெழுத்துக்கள் வடிவமைக்கும் மென்பொருளை ஏற்கனவே வடிவமைத்திருக்கிறேன்.அது எவ்வளவு எளிது என்றால், அன்றிரவு எனது மனம் துள்ளவில்லை. எனது "Coded -Corssword  shareware"  download செய்தீர்களானால், ஆங்கில புதிர்களை பார்க்கலாம்.

ஆனால், இப்படி, ஒரு "symmetrical" வடிவிலான குறுக்கெழுத்து தமிழில் பார்ப்பது இதுவே முதல் முறை (எனக்கு, உங்களுக்கும் என நினைக்கிறேன்)

. வெறும் 10,000 சொற்கள் மட்டுமே உள்ள ஒரு பட்டியல் கொண்டு குறுக்கெழுத்து வடிவமைத்து விட்டேன். ஆனால் சொற்கள் பல நமது வழக்கத்தில் இல்லாத சொற்களாக இருக்கின்றன. அதை நினைக்கும் போதுதான் கவலையாக இருக்கிறது. ஒருவேளை இந்த குறுக்கெழுத்து  மூலம் இச்சொற்கள் மீண்டும் கவனிக்கப்படுமோ?

வாரமலர் மட்டுமே நான் குறுக்கெழுத்து பார்த்த பத்திரிகை. (குமுதத்தில் எப்போதாவது. யாரந்த GSS?). வேறு ஏதேனும் பத்திரிகைகளில் குறுக்கெழுத்து வருகிறதா என தெரியவில்லை. தெரிந்தவர்கள் பின்னூட்டத்தில் குறிப்பிடவும்.


சில வழக்கொழிந்த சொற்கள் உங்கள் பார்வைக்கு

ஈம்
தாழிசை
விறிசு

பூநெய்
குசினி
காசினி

சாகாடு
சுருளை

உலாவி-இது வழக்கில் அதிகம் பிரபலமாகாத அன்மைக் காலத்திய சொல்
உமாமி
கதிரை
வானோடி

நல்கை
அடுவல்
அங்கக
அவகாசி



இந்த சொற்களில் 4க்கு மேல் உங்களில் யாருக்காவது தெரிந்தால் பின்னூட்டமிடுங்கள். சரியா என்று பார்க்கலாம்.

குறுக்கெழுத்து மென்பொருள் வடிவமைப்பதில் உள்ள சிக்கல்கள்

குறுக்கெழுத்து புதிர்களை தமிழில வடிவமக்க முயற்சி செய்துகொண்டிறுக்கிறறேன். இம் முயற்சி கடினமாகவே உள்ளது. அதற்கான காரணங்களை பட்டியலிட்டிருக்கிறேன்.

1. தமிழ் சொற் பட்டியல்::  ஒரு குறுக்கெழுத்து மென்பொருள் எழுத வேண்டும் என்றால், அதற்கு ஒரு சொற்தொகுப்பு வேண்டும். தமிழ் விக்சனரியில் உள்ள சொற்கள் நடைமுறை தமிழில் இருந்து பெரும்பாலும் மாறுபட்டிருக்கிறது. - இதன் தீர்வாக விக்சனரி அமைந்துள்ளது.
2. தமிழ் விசை பலகை. இப்பொழுதுதான் தமிழில் "டைப்"  செய்வது எவ்வளவு கடினம் என்பது தெரிகிறது. இதற்கு இ-கலப்பை மென்பொருள்ஒரு சிறந்த தீர்வாக அமைந்துள்ளது.  
3. யுனிகோடு :  யுனிகோடு / கனிணி எழுத்துக்களுக்கும் தமிழ் எழுத்துக்களுக்கும் ஒரு "mapping" செய்துகொள்ள வேண்டி உள்ளது. இதை நானே எழுதிக்கொண்டேன். 
4. குறுக்குக் கட்டங்களில் எழுத்துக்கள் இபிஎஸ் வடிவிலேயே இதுவரை எனது புதிர்களை வடிவமைத்திருக்கிறேன். இந்த இபிஎஸ் யுனிகோடு வடிவை ஆதரிப்பதில்லை. TSCII அல்லது பாமினி ஃபான்ட் கொண்டு இப்பிரச்சினைய தீர்க்க முயலவேண்டும். ஆனால் அது அவ்வளவு எளிதல்ல.இபிஎஸ் ASCII யிலேயே, சிறப்பு எழுத்துக்களை ஒரு கோர்வயில் (string) பயன்படுத்த அனுமதிப்பதில்லை.  எனவே. இப்போதைக்கு கேள்வி எண்கள் மட்டுமே குறுக்குக் கட்டங்களில். விடைகள், சொற்பட்டியலாக என்று சமரசம் செய்துகொண்ட்ட்விட்டேன்.
5. கேள்விகள்: கேள்வி கேட்பது எளிது போல் தான் தோன்றியது இலக்கியாவின் வலைப்பூவைக் கானும் வரை. அருமையாக வடிவமைக்கிறார் அவரது குறுக்கெழுத்துக் கேள்விகளை. நான் ஒரு வாரமாக மாரடித்து தூக்கம் கெட்டு எழுதிய 1400  கேள்விகள் இப்பொழுது என்னைக் கேலியாக பார்க்கின்றன. பன்றி பல குட்டி என்று.